पटरी पार करत रहिन हे अउ ट्रेन के चपेट म आ गे… दू के मउत

भिलाई। जीआरपी भिलाई चरोदा इलाका म आज बिहनियाएक बड़ घटना घटित हेइस हे । इहां नांदेड़ एक्सप्रेस के चपेट म आए ले 2 लोगन के मउतहो गिस हे।  बताया जात हे के घटना तब होइस हेजब दूनों झन पटरी पार करत रहिन हे।

मृतक मन म एक महिला अउ एक पुरुष सामिल हे, दोनों सफाई कर्मचारी बताए जात हे।  कुगदा ले रायपुर जाए बर रेलवे स्टेशन जात रहिन हे, उही बेरा म  दूनों ट्रेन के चपेट म आ गे। मामला चरोदा जीआरपी थाना के हे।

मृतक मन के  सिनाख्त म महिला के नाम रमौतीन बाई बताए  जात हे। उहें  पुरुष के नाम भुनेश्वर मांगेंकर कुगदा निवासी हे ,दूनो हमेसा के तरह बिहनिया 5:30बजे रायपुर जाए बर रेलवे ट्रेक पार कर रहिन हे, तभे अचानक रायपुर ले दुर्ग के तरफ जात नांदेड एक्सप्रेस के चपेट म आ गे।  बहरहाल चरोदा जीआरपी पुलिस ह दूनों के शव के पंचनामा कर दुर्ग मरचुरी भेज दिस हे।