पति के मौत : न्याय मांगे बर मां-पत्नी सड़क म

रायगढ़। आत्मदाह कर अपन जान देवइया दलित युवक जय चौहान के बुजर्ग मां अउ उंखर पत्नी ह शुक्रवार के मुख्यमंत्री रमन सिंह के रायगढ़ आगमन म रामनिवास टाकिज चौक म धरना दिस। जय के परिवार वाला मन ह एसडीएम प्रकाश सर्वे पर आरोप लगात हुए उंखर खिलाफ कार्यवाही के मांग करिस। परिजन मन के आरोप हवय कि 21 जनवरी के होय वारदात के बाद ले प्रशासन व सरकार ह कुछ नइ करिस हे। कांग्रेस ह जरूर ए मुद्दा ल हाथों हाथ लिस अउ जांच कमेटी बनाके रिपोर्ट प्रदेश कार्यालय म तलब करिस हे। जेखर बाद मामला के अउ गरम होय के संभावना हवय। वैइसे भी मामला दलित युवक के हो ले दलित मन म काफी गुस्सा हवय।