पत्रकार सुरक्षा कानून बनाए के दिसा म मुख्यमंत्री के पहल

जनघोसना पत्र…..सरकार बनही त पत्रकार मन ल सुरक्षा पहिली प्राथमिकता होही

रायपुर ।  प्रदेस के मुखिया बने के बाद एक के बाद एक बड़ निरनय लेवत हुए  मुख्यमंत्री भूपेश बघेल ह  एक अउ बड़े निरनय लिस हे।  मुख्यमंत्री  ह  प्रदेस म पत्रकार मन के सुरक्षा  बर पत्रकार सुरक्षा कानून बनाए के दिसा म पहल करिन हे।

एखर बर कानून के प्रारूप बनाए  निरदेश जारी करे गेहे।  गउरतलब हे के  कांग्रेस पार्टी ह अपन जन घोषणा पत्र म ए वादा करे रहिन हे के पार्टी के सरकार बनही त  पत्रकार मन के सुरक्षा उंखर बड़े प्राथमिकता होही।  मुख्यमंत्री ह निरदेस देह के  एखर बारे म विभिन्न राज्य मन म पत्रकार सुरक्षा के प्रावधान मन के अध्ययन करे के संगे संग पत्रकार मन ,मानवाधिकार कार्यकर्ता मन, विधि विशेषज्ञ मन ले  सलाह कर ए कानून के एक प्रारूप तुरंत उंखर समक्ष प्रस्तुत करे जाहे।