रायपुर । बीजेपी ह पाटन विधानसभा क्षेत्र म अपन जनसंपरक यात्रा ल पूरा कर लिस हेष अइसे म अब राजनीतिक लिहाज ले भारतीय जनता पार्टी ये क्षेत्र ल काफी महात्वपूर्ण मानत हे। दरअसल, ये क्षेत्र प्रदेश कांग्रेस अध्यक्ष भूपेश बघेल के हे। अउ ये क्षेत्र ल लेके बीजेपी अपन दावा करत हे कि साल के आखिर म होवय्या विधानसभा चुनाव म ये सीट ले बीजेपी के ही प्रत्याशी जीत हासिल करही।
दरअसल, बीजेपी ये मानत हे कि पाटन क्षेत्र के 20 बरस ले विकास रुके हुए हे। एखर सेती जनता ये दफा बीजेपी ल अपन समरथन देय के इंतजार करत हे। जेखल ले ये क्षेत्र के विकास हो सक। मामल म बीजेपी प्रवक्ता संजय श्रीवास्तव के कहिना हे कि प्रदेश कांग्रेस अध्यक्ष केक्षेत्र होय के कारण ये क्षेत्र म जनसंपर्क यात्रा शुरू करे ले पहिली उमन ल ये लगिस कि शायद इहां उंखर बर कठिनाइ पैदा हो सकत हे। हालांकि जब उमन क्षेत्र के सबो गांव के दउरा करिस तो उहां के जनता के पॉजिटिव रिस्पांस देख उमन ल बेहद खुशी होइस ।
उमन के कहिना हे कि जनता ल देख ये महसूस होइस कि जनता मतदान के इंतजार करत हे कि कब इहां चुनाव हो अउ इहां के प्रतिनिधि ल बाहर केरास्ता दिखावन । एखरे संग उमन के दावा हे कि छत्तीसगढ़ के 90 विधान सभा सीट म बीजेपी बर सबले पहिली सुरक्षित सीट पाटन विधानसभा सीट हे । इहां कमल के फूल निश्चित रूप ले खिलही।
