पिटाई के डर ले अस्पाताल म इलाज के दउरान भागिस कैदी….लोरमी रोड म पकड़इस

मुंगेली। जिला अस्पातल म इलाज बर लाय गिस आरोपी पुलिस के गिरफ्त ले रविवार के भाग निकलिस। सीना म दर्द के सिकायत के बाद आरोपी ल जिला अस्पताल लाय गिस जेखर बाद मउवका देख के आरोपी पुलिस वाला मन के गिरफ्त ले भाग निकलिस।  कैदी ह पिटाई के डर ले हथकड़ी छुड़ाके भागे रहिस हे। ड्यूटी म तइनात पुलिस कर्मी के लापरवाही ले आरोपी ह भाग निकले म सफल होइस हे। आरोपी के भागे के सूचना मिलत ही सिटी कोतवाली के टीम  ह आरोपी ल लोरमी रोड़ म पकड़ लिस।

बता दन के आरोपी के नाम विक्रम ठाकुर हे।  नाबालिक लड़की के साथ दुष्करम के मामला म शनिवार के रिमांड म आरोपी ल भेजे गे रहिस हे।  पुलिस ल चकमा देय केवीयत ले फरार कैदी अपन रिस्तेदार के घर के स्टोर रूम म छिपे रहिस हे । पुलिस ह घेराबंदी के तलासी म विचाराधीन  आरोपी पकाड़िस। कैदी के भागे के जानकारी मिलत ही पुलिस ह मामला ल गम्भीरता से लिस अउ सिटी कोतवाली के प्रभारी आशीष अरोरा के टीम ह आरोपी ल लोरमी रोड़ म पकड़े म  कामयाब होइस।