पीएम के विरोध करे बर जावत कांग्रेसी मन ल हिरासत म लिस पुलिस ह

बिलासपुर। प्रधानमंत्री नरेन्द्र मोदी के सभा म विरोध प्रदर्शन करे बर जाय खातिर निकले कांग्रेस कार्यकर्ता मन ल पुलिस ह हिरासत म ले लिस हे। प्रदेश महासचिव और पूर्व युवा प्रदेस अध्यक्छ उत्तम वासुदेव ल घलो पुलिस ह हिरासत म ले लिस हे।
बिलासपुर म कांग्रेसी मन उपर होय लाठीचार्ज ल लेके आज प्रधानमंत्री के दउरा के दउरान पार्टी ह विरोध क रननीति बनाइस हे। ये बीच पुलिस ह कांग्रेस नेतामन ल गिरफ्तार करे बर सुरू कर दीस हे। प्रदेश महासचिव अउ पूर्व प्रदेस अध्यक्छ उत्तम वासुदेव ल पुलिस ह हिरासत म ले लिस हे। उत्तम अपन गृह ग्राम झाबर ले जांजगीर बर निकले रहिस हे। भाड़ी गांव म पुलिस ह हिरासत म लिस हे।
पुलिस ह कांग्रेसी मन ल रेलवे स्टेशन म गिरफ्तार करिस
रायगढ़ म पुलिस ह गिरफ्तारी करे हे। दस ले अधिक कांग्रेस कार्यकर्ता मन ल रायगढ़ रेलवे स्टेशन ले गिरफ्तार कर पुलिस कंट्रोल रूम ले आईस। उहें पेंड्रा रोड रेलवे स्टेशन ले घलो कांग्रेसी मन ल गिरफ्तार करे गेहे। उत्कल एक्सप्रेस ले जांजगीर रवाना होय के पहिली पुलिस ह कांग्रेसी मन ल हिरासत म ले लिस। सबो कांग्रेसी मन ल गौरेला थाना लाय गिस हे। कांग्रेसी रमन सिंह अउ नरेन्द्र मोदी के खेलाफ नारेबाजी करत रहिन हे।