पीएम ल करिया झंडा दिखाय बर निकले कांग्रेसी कार्यकर्ता अउ अध्यक्छ हिरासत म

नवनीत शुक्ला, मुंगेली। कांग्रेस भवन म होइस लाठीचार्ज के बिरोध म मुंगेली जिला ले कांग्रेस जिला अध्यक्ष अपन कार्यकर्ता मन संग जांजगीर बर निकलिस । हालांकि जइसन प्रसासनिक तियारी करे गए हे ओखर हिसाब ले सभास्थल तव दूर जिला म कांग्रेसी मन ल रोके बर पूरा तइयारी करे गेहे । ताकि प्रधानमंत्री के दउरा म कोनो व्यवधान मत पड़य ।
आज प्रधानमंत्री नरेन्द्र मोदी के छत्तीसगढ़ दउरा म हे। जेखर बिरोध म कारिया झंडा दिखाए बर प्रदेश भर के कांग्रेसी नेता मन जांजगीर पहुँचत हे । असल म बिलासपुर कांग्रेस भवन म कांग्रेसी मन उपर घुसकर लाठीचार्ज करे गिस, एखर बर दोषी अधिकारी मन ऊपर कोनो ठोस कार्यवाही नइ होके विरोध म कांग्रेसी मन करिया झंडा दिखाय बर जांजगीर जावत हे। लेकिन पुलिस ह जरहागांव म कांग्रेसी मन गिरफ्तार कर लिस।