पीसीसी चीफ भूपेश बघेल के हालत स्थिर….लो ब्लड प्रेसर व सूगर व बुखार की सिकायत … फेफड़ म इंफेक्शन

रायपुर । छत्तीसगढ़ प्रदेस कांग्रेस कमेटी के चीफ भूपेश बघेल के हालत अब स्थिर हे। बस्तर प्रवास के दउरान कोंडागांव म बीते रविवार के भूपेश बघेल के तबीयत अचानक खराब हो गिस हे। कोंडागांव म प्रारंभिक इलाज के बाद उमन ल राजधानी रायपुर के रामकृष्ण केयर अस्पताल म भरी कराय गिस हे । भूपेश बघेल ल लो ब्लड प्रेसर व सूगर व बुखार के सिकायत के चलत अस्पताल म भरती कराय गिस हे।
30 सितंबर के बस्तर के कोंडागांव म भूपेश बघेल के चुनाइ कारयक्रम रहिस हे। इहीं दउरान उंखर तबीयत खराब हो गिस । कोंडागांव म स्थिति बिगड़े के बाद भूपेश बघेल ल एम्बुलेंस ले रायपुर लाय गिस। भूपेश बघेल के तबीयत खराब होय के खबर सूने के बाद ​रविवार के ही अस्पताल म सांसद ताम्रध्वज साहू, पूर्व मंत्री रविन्द्र चौबे, पूरव महापौर किरणमयी नायक, पीसीसी के संचार प्रमुख शैलेष नितिन त्रिेवेदी, पीसीसी के प्रवक्ता अउ अबड़ संख्या म पदाधिकारी समरथक उंखर हाल जाने बर अस्पताल पहुंचिन। चिकित्सक मन के टीम भूपेश बघेल के गहन जांच करत हे। सांसद ताम्रध्वज साहू ह भूपेश के बेमार होय के वजह जेल म तीन दिन तक बंद रहिना अउ लगातार दउरा ल बताय जात हे।