पूरव विधायक ओम प्रकाश राठिया समेत 4 भाजपा नेता गंभीर रूप ले घायल….राठिया ल रायपुर रेफर करे गिस

रायगढ़। जिला के धरमजयगढ़ इलाका म सड़क हादसा के घटना आघू आइस हे। हादसा म पूरव विधायक ओम प्रकाश राठिया समेत 4 भाजपा नेता गंभीर रूप ले घायल हो गेहे। हादसा ले घायल सबो लोगन मन ल उपचार बर अस्पताल म भरी कराय गिस। उहें पूरव विधायक राठिया ल गंभीर चोट आय हे, हालत ल देखत हुए उमन ल रायपुर रेफर कर देय गेहे। हादसा म घायल सबो लोगन अमित शाह के कारय करम म सामिल होय रायपुर आवत रहिस हे।
दरअसल गुरुवार के रात ओमप्रकाश राठिया तीन भाजपा नेता मन के संग अमित शाह के कारयकरम म सामिल होय बर धरमजयगढ़ ले रायपुर आवत रहिस हे। इहीं दउरान रास्ता म एक तेज रफ्तार ट्रक ह उंखर कार ल टक्कर मार दीस। हादसा अतना जबरदस्त रहिस हे के कार के परखच्चे उड़गे।