पेड न्यूज मामला म रायपर म 32 झन ल नोटिस जारी

रायपुर। विधानसभा चुनाव निपटे के बाद चुनावी खरच के हिसाब देय म  प्रत्यासी मन ल पसीना निकलत हे।  प्रत्यासी  मन ए दिन मन म राज्य निर्वाचन आयोग के नोटिस के जवाब देय म  उलझे हे।  पेड न्यूज अउ चुनाव आचार संहिता के उलंघन ल लेके  जादातर नोटिस भेजे जावत हे।  केवल रायपुर म विभिन्न विधानसभा के प्रत्याशी मन ल पेड न्यूज के मामला म 32 नोटिस जारी करे गिस हे।

अइसने शराब, साड़ी, चुनाव सामग्री अउ बिना अनुमति के चुनावी सभा लेय के मामला म 45 ले अधिक नोटिस जारी करे गिस हे।  प्रत्याशी मन ल 12 दिसम्बर तक नोटिस के जवाब देना हे।  इस संबंध म भाजपा अउ कांग्रेस के प्रत्याशी मन ह राज्य निर्वाचन आयोग के बहुत निरदेस मन ल अव्यवहारिक बताइन। उमन के कहिना हे के चुनाव खरच के रासि जे केवल 28 लाख निरधारित हे ओला घलक बढ़ाय जाना चाही।