पोड़ी के जंगल म चीतल के 3-4 दिन पुराना सव मिले ले हड़कंप

बिलासपुर। जिला मुख्यालय ले 25 किलोमीटर दूर रतनपुर वन परिक्षेत्र के पोड़ी गांव के तीर के जंगल म एक चीतल के 3-4 दिन पुराना सव मिले ले हड़कंप मच गे हे। चीतल के सव ले सींग गायब हे अउ प्रथम दृष्टया मामला सिकार के लगत हे । फिलहाल वन बेभाग ह सव ल कब्जा म लेके मामला के जांच म जुट गेहे। दरअसल, मामला रतनपुर वन परिक्षेत्र के पोड़ी गांव के तीर बगधरी सागउन प्लॉट हे ,जिहाँ गांव के कुछु लोगन मन ह एक नर चीतल के सव देखिन अउ घटना के जानकारी वन वेभाग ल दीस। लोगन के सूचना म मउवका म पहुंचे वन बेभाग के टीम ह सागउन प्लांट ले नर चीतल का सव के पंचनामा के कारयवाही करीन। उहें चीतल के सिकार करिस हे अउ ये घटना 3 ले 4 दिन पुराना हे। फिलहाल वन विभाग मामला म आसपास के लोगन ले लिय गे बयान के आधार म मामला के जांच म जुट गिस हे।