फोर्सली रिटायर करेगे आईपीएस केसी अग्रवाल ल मिलिस बड़े जीत …बनही आईजी

रायपुर । फोर्सली रिटायर करेगे आईपीएस केसी अग्रवाल ल बड़े जीत मिले हे। भारत सरकार ह अग्रवाल ल 5 अगस्त 2017 ले दोबारा भारतीय पुलिस सेवा म बहाल करे हे। उहें राज्य सरकार ह घलोक ए संबंध म आदेस जारी कर देय हे। एखर बाद उमन ह ज्वॉइनिंग दे दीस हे।

आईपीएस अग्रवाल ह डीजीपी डीएम अवस्थी के आघू ज्वॉइनिंग करिस हे। अब उमन ह अगले महिना प्रमोट होके आईजी घलोक बन जाही। बता दन के भारत सरकार ह अग्रवाल ल 3 अगस्त 2017 के अनिवार्य सेवानिवृत्ति दे देय रहिस हे।  केंद्र ह राज्य सरकार के आईपीएस अफसर मन के 20 साल के रिव्यू रिपोर्ट के आधार म ए फइसला  लेय रहिस हे।

अग्रवाल ह मिनिस्ट्री ऑफ होम अफेयर के ए कार्रवाई ल केंद्रीय प्रशासनिक अधिकरण (कैट) जबलपुर म चुनउती देय रहिस हे। उमन ल कानूनी लड़ाई म  जीत हासि होइस।