बइठक म कांग्रेस प्रत्याशी मन ल निरदेस ….. चुनाव जीते के बाद राजधानी के  मुख्यालय म रिपोर्टिंग देना हे

मतगनना के दउरान सचेत रहहूं ….  गड़बड़ी के आसंका होय म  तुरंत एक्टिव होना हे

रायपुर। राजीव भवन म बुधवार के पीएल पुनिया के अध्यक्षता म राज्य के सबो प्रत्यासी मन के बइठक होइस। जेमा विभिन्न बिषय मन म चर्चा करे गिस । मीटिंग म स्पष्ट तउर  म उम्मीदवार मन ले उमन के लिस्ट मांगे गिस हे जिमन चुनाव के दउरान काम नइ करिन अउ भीतरघात करिस हे।

संगे- संग अइसन लोगन के सूची घलो सउपे बर कहे गिस जे कार्यकर्ता मन ह  चुनाइ म सबले बढ़िया काम करिन हे।  एखर अलावा बइठक म सबो ल साफ तउर म आदेसित करे गिस  के जइसे ही उमन चुनाव जीतथे अउ  उमन सर्टिफिकेट मिल जाथे …. तुरंत ही उनव ल राजधानी पहुंचे के मुख्यालय म रिपोर्टिंग देना होही।

विधानसभा चुनाव खत्म होय के बाद प्रदेस प्रभारी पीएल पुनिया, प्रदेस अध्यक्ष भूपेश बघेल समेत  सबो बड़ नेता मन के मउजूदगी म कांग्रेस के बइठक होइस । जेमा प्रत्यासी मन ल मतगणना के दउरान सचेत रहे के निरदेस दे गिस ।

उमन ले ए घलो कहे गिस के कोनो किस्म के गड़बड़ी के आसंका होय म  तुरंत एक्टिव होना हे। अगर कुछु समझ म नइ आवत हे त  उमन ल वरिष्ठ नेता मन ले संपर्क करे के हिदायत घलो देय गिस ।