रायपुर/ नई दिल्ली। छत्तीसगढ़ म मुख्यमंत्री भूपेश बघेल के संग वरिष्ठ नेता टीएस सिंहदेव अउ ताम्रध्वज साहू ह मंत्री पद के सपथ लीस हे। छत्तीसगढ़ म मुख्यमंत्री समेत 13 मंत्री मन के कोटा हे। दू मंत्री सपथ ले हे अउ 10 बर मंथन जारी हे। बता दन के भूपेश बघेल ह नवां मापदंड तय कर देय हे के जे पहिली बेर विधायक बने हे, उमन ल मंत्रिमंडल म सामिल नइ करे जाए।
मुख्यमंत्री भूपेश बघेल दू दिन ले दिल्ली म हे। अउ कांग्रेस अध्यक्ष राहुल गांधी ले मुलाकात के इंतजार करत हे। राहुल गांधी ले मुलाकात के बाद ही बघेल अपन टीम म मुहर लगाही। अइसे माने जात हे के लोकसभा चुनाव ल देखत हुए एससी, एसटी, ओबीसी अउ सामान्य वर्ग के विधायक मन ल बराबर मउका देय जाही।
सतू, रविन्द्र अउ अकबर के नाम तय ……
रायपुर ग्रामीन ले विधायक सत्यनारायण शर्मा, साजा ले विधायक रविन्द्र चौबे, अभनपुर ले धनेन्द्र साहू अउ कवर्धा ले मोहम्मद अकबर के नाम कैबिनेट बर तय माने जात हे। सक्ती ले चरणदास महंत ल घलो मंत्रिमंडल म जगा मिल सकत हे। हालांकि उंखर नाम विधानसभा अध्यक्ष बर आघू आए हे।
अनिला भेड़िया ल मिल ही जगा !
एक महिला विधायक ल मंत्री बनाए जा सकत हे। अनिला भेड़िया के नाम कैबिनेट बर लगभग तय माने जात हे। कुछ नाम हे ज मंत्री बनने के रेस म आघू हे। एमा शिव डहरिया, रूद्र गुरू, अमरजीत भगत अउ कवासी लखमा, उमेश पटेल के नाम हवय।
No Comment! Be the first one.