बहुत खर्चीला होगे हे घर म गाय पालना: भूपेश

रायपुर। छत्तीसगढ़ विधानसभा के बजट सत्र म कांग्रेस विधायक भूपेश बघेल ह सरकार ल घेरिस। भूपेश ह कहिन कि घर म गाय रखना बहुत खर्चीला होगे हवय। गाय के चारा कतका महंगा होगे हे। पशुधन के खरीदी बिक्री नइ हवत हो।
भूपेश ह कहिन कि किसान मन के आय के दूसरा रद्दा पशुपालन होवत रिहीस हे। सरकार पशुपालन बर कोनो ध्यान नइ देवत हे। भूपेश ह आरोप लगाइस कि गाय मन के नाम पर सरकार ह धंधा खोल रखे हे। प्रदेश म जतना भी गोशाला हवय वो सब पार्टी के लोग मन के हे। अभी तक बीजेपी के लोग मन गाय के नाम म वोट मांगत रिहिस हे। अब गाय के नाम म नोट मांगत हवय। भूपेश ह आरोप लगाए कि सरकार ह पिछू बरस किसान मन बर बीमा योजना लागू करे रिहीस हे। एखर लाभ बीमा कंपनी मन ल तो मिलिस हे, लेकिन किसान मन ल अब तक कोनो लाभ नइ मिल सकीस। सदन म भूपेश ह सरकार उपर एखर ले संबंधित कई आरोप लगाइस।