बाघ के आंतक… घर ले नइ निकलत हे लोग मन …

रायगढ़। जिला के चंद्रपुर इलाका म  बाघ के आंतक ले ग्रामीन मन ह घर ले नइ निकलत हे।  एती  बाघ ल पकड़े  बर वन बेभाग  ह 150 अधिकारी-कर्मचारी तइनात हे। ग्रामीम मन के अनुसार बाघ काफी खूंखार हो गेहे। बाघ आस-पास के जंगल मन म घूमत हे। गांव म घलो पहुंच जात हे । बाघ ह काली  चंद्रपुर के ग्रामीन नरेश मूले उपर हमला कर दिस।

गंभीर हालत म ओला अस्पताल म भरती कराया गिस  हे । एखर ले पहिली घलो बाघ ह कतको ग्रामीन मन उपर हमला कर चुके हे।  ग्राम रघुनाथपुर के राजेन्द्र निर्मलकर अउ अंजनसिंघी के मोरेश्वर चालके ल बाघ ह अपना सिकार बनाय चुके हे।

मोरेश्वर ल बाघ घर म घुसके घसीटत हुए जंगल ले गिस  हेे। उंखर लास टूकड़ मन म मिलिस हे।  बाघ आस-पास के गांव मन  के दर्जन भर मवेसी मन उपर हमला कर मार डाले हे। बाघ के दहसत से ग्रामीन मन घर ले निकले म डरत हे।

बाघ ल पकड़े बर  वन बेभाग ह 150 अधिकारी-कर्मचारी ल लगिस हे । बाघ ल  जीवित पकड़े बर  वन कर्मचारी जाल बिछा रखे हे। फिंजरा, रस्सा अउ बेहोश करे के इंजेक्शन लेके तइनात हे। लेकिन बाघ चकमा देके लगातार रघुनाथपुर, अमरावती, सावरगांव अउ धवनगांव के जंगल म घूमत हे।