बिलासपुर के रिटायर जस्टिस बाजपेयी होही लॉ यूनिवर्सिटी के नवा कुलपति

रायपुर। हिदायतुल्लाह नेशनल लॉ यूनिवर्सिटी के नवा कुलपति जस्टिस सीबी बाजपेयी होंही। उमन एचएनएलयू के पहिली छत्तीसगढ़ के रहइया कुलपति होंही। हाइकोर्ट के चीफ जस्टिस अनिल त्रिपाठी ह आज उंखर नियुक्ति म मुहर लगा दीस। जस्टिस सीबी बाजपेयी ह इही साल साल जनवरी म सेवानिवृत्त होइन हे।
एचएनएलयू के पूरव कुलपति सुखपाल सिंह के इस्तीफा के बाद तमाम कयास लगाय जात हे के अब नवा कुलपति कउन होही। ये कयास मन ल हाईकोरट ह बुधवार के विराम लगात हुए नवा कुलपति के नाम म मुहर लगा दीस हे। जस्टिस वाजपेयी गुरुवार के रायपुर आके पदभार ग्रहन करही। हिदायतुल्ला नेशनल यूनिवर्सिटी म पाछु के 10 दिन मन ले छात्र-छात्रा मन ह आंदोलन के बाद कुलपति डॉ. सुखपाल सिंह ह आखिरकार सोमवार के इस्तीफा दे दिस। रविवार को उमन एक पत्र जारी कर छात्र-छात्रा मन ल हड़ताल वापस लेय बर कहे रहिन हे । हड़ताल खत्म नइ होय म अनुसासनात्मक कार्रवाई करे के बात कहिन।
कुलपति के दूसर टरम ल हाईकोरट ह नियम विरुद्ध बताय रहिस हे। येखर बाद उमन सुप्रीम कोरट चले गिस जिहां शीरस अदालत ह ईकोरट आदेस म रोक लगा दीस हे। येखर बाद कुलपति के लगातार विरोध करत छात्र-छात्रा मन ह मोरचा खोल दिस अउ उमन धरना म बइठ गिस।