बिलासपुर। मतगनना के पहिली कांग्रेस ह कई जिला के कलेक्टर मन के खेलाफ मोरचा खोल दिस हे। कांग्रेसनेत्री किरणमयी नायक ह आरोप लगाइस हे के बिलासपुर समेत कई जिला के कलेक्टर भाजपा के गमछाधारी हे। बिलासपुर कलेक्टर मतदान के दउरान कमल फूल लेके गे रहिस हे। अखर वीडियो घलो हमन निर्वाचन आयोग ल भेज दिस हे। एमा आयोग ह नोटिस जारी कर जवाब घलो मांगिस हे।
उमन बताइन के कांग्रेस ह परदेस के चार कलेक्टर मन के खेलाफ कार्रवाई करे बर निर्वाचन आयोग ल पत्र ललिखे गे हे। कांग्रेस नेत्री किरणमयी नायक अउ रुचिर गर्ग बुधवार के बिलासपुर आए रहिन। कांग्रेस भवन म पत्रकार मन ल चरता करत हुए कांग्रेस नेत्री नायक ह कहिन के अधिकांश जगह मन म स्ट्रांग रूम के आसपास गडबड़ी के सिकायत आवत रहिस हे। कांग्रेस के कार्यकर्ता लगातार एखर खुलासा करत हे।
उमन ह भाजपा के राष्ट्रीय अध्यक्ष अमित शाह के नाम लिए बिना कहिन के , भाजपा के जे तड़ीपार अध्यक्ष हे, उमन ह आदेस देय हे के जिहां भी 1000-2000 वोट के अंतर हे, उहां भाजपा प्रत्यासी मन ल सर्टिफिकेट जारी कर देव। बाकी हमन देख लेबो। अइसन सूचना मन के आए के बाद कांग्रेस अउ चउकन्ना हो गेहे।
ए अफसर मन के खेलाफ कांग्रेस सख्त
कांग्रेस नेत्री नायक ह बताइस के बिलासपुर कलेक्टर के संग- संग सुकमा कलेक्टर जयप्रकाश मौर्य, दुर्ग कलेक्टर उमेश अग्रवाल अउ धमतरी कलेक्टर प्रसन्ना के खिलाफ कार्रवाई करे बर निर्वाचन आयोग ल पत्र लिखे गेहे।
Other Articles
मतगणना अउ सुरक्षा बेवस्था के संबंध म देय गिस दिसा-निरदश
