रायपुर। छत्तीसगढ़ म विधानसभा के चुनाव संपन्न होय के बाद अब इहां के भाजपा नेता मध्यप्रदेश म प्रचार प्रसार के कमान संभालही। कृषि मंत्री बृजमोहन अग्रवाल बालाघाट अउ पंचायत मंत्री अजय चंद्राकर भोपाल म प्रचार करही। प्रदेस के 36 अन्य वरिष्ठ नेता मन के मध्य प्रदेस के चुनावी जुम्मेदारी देके भेजे गिस हे। मुख्यमंत्री डॉ. रमन सिंह घलोक मध्य प्रदेश जाही लेकिन फिलहाल पार्टी ह उंखर कार्यक्रम जारी नइ करिस हे।
भाजपा प्रदेश अध्यक्ष धरमलाल कौशिक ह बताइस के मध्यप्रदेश के संगवारी मन के मदद करे बर इहां के वरिष्ठ लोगन ल जुम्मेदारी दे गिस हे। एमा केंद्रीय राज्य मंत्री विष्णुदेव साय, सांसद चंदूलाल साहू, पूर्व गृह मंत्री ननकीराम कंवर, पूर्व मंत्री कृष्णमूर्ति बांधी, विधायक सावलाराम डहरे अउ निर्मल सिन्हा पहिली ही मध्यप्रदेश रवाना होगे हे। उहें बृजमोहन अग्रवाल अउ अजय चंद्राकर समेत 35 कार्यकर्ता शुक्रवार के मध्यप्रदेश बर रवाना होइस।
