बेगानी सादी म घुसके भोजन करना भारी पड़ गिस युवक ल….

 रातभर बेल्ट ले पिटाई करक बाद बेहोश रोड म छोड़ देय गिस

धरसींवा। अनजान विवाह समारोह म  भोजन करना युवक ल महंगा पड़गे। युवक के संग लोगन ह क्रूरता करत हुए गर्म सलाख ले दाग दिस। इही नइ, ए दउरान ओखर सरीर म गरम पानी डालके बाथरूम म बंद करके  बहुत पीटिस। प्रकरन म पुलिस के कहिना हे के चिकित्सक छुट्टी म हे, एखर सेती आरोपी मन के खेलाफ खानापूर्ति के कार्रवाई करे गिस हे। चिकित्सक के वापस आए के बाद ए प्रकरन म  आघू के कार्रवाई करे जाही।

उद्योग नगर सिलतरा के एक युवक ल एक बेगानी सादी म घुसके भोजन करना भारी पड़ गिस। सादी समारोह के युवक मन  ल अतना बुरा लगिस के उक्त युवक के संग रात भर हैवानियत होइस। बाथरूम म बंद के ओला गर्म लोहा के  सलाख ले  दागे गिस। एखर बाद गरम पानी घलोओखर उपर डाल गिस। एमा घलोक जब आरोपी मन के मन नइ भरिस, त युवक ल रातभर बेल्ट ले पीट पीटके बेहोस कर रोड म छोड़ दिस।

घटना ग्राम पंचायत सिलतरा के हाई स्कूल म 26 दिसंबर के विवाह समारोह होवत रहिस हे। जेमा ग्राम के ही एक फैक्ट्री कर्मी युवक बिट्टू गोड़ (18) भोजन के लालच म समारोह म सामिल होके भोजन करे लगिस। इही दउरान कुछु युवक मन के ओखर उपर नजर पड़ गिस अउ इमन ह अतना नाराज होगे के  युवक के बेदम पिटाई कर दीन। बाथरूम म बंद करके पीटीस।  युवक मन ह गंदा बाथरूम म ले जा के युवक के बेल्ट ले अतना पिटाई करिन के, युवक बार-बार बेहोस होते गिस। अउ होश म लाए बर गर्म पानी  घलो कई बार ओखर उपर उड़ेले गिस । युवक मन ए तरह ले  रातभर हैवानियत करत रहिन।