” बेभागीय उपेक्छा के सिकार होवत स्थानीय जनप्रतिनिधि अउ नेता “

नवनीत शुक्ला, मुंगेली। ये हर पहिली पइत नइ हे जब बेभाग ह स्थानीय नेता या जनप्रतिनिधि के उपेक्छा होय होही। महिला एवं बाल विकास बेभाग के असन हे रवैया हर कार्यक्रम म नजर आथे। बेभाग म बइठे चंद लोग मन ब बेभाग के रूपरेखा ल तियार करथे। कोंन रइही अउ कोंन नई रइही एखर उदाहरन ह हर बार सामने आथे ।
कार्यक्रम म पहुंचे महिला बाल विकास मंत्री रमशीला साहू ह मुंगेली म पोषण तिहार अउ महिला सम्मेलन म पहुंचिस अउ अपन उदबोधन म सरकार के योजना मन के जम के तारीफ़ करिस साथ ही नवा छत्तीसगढ़ रजत जयंती 2025 म परदेश मुखिया के सपना के जम के तारीफ करिस । प्रदेस म अभी पोषण तिहार मनाये जात हे जेमा शिशु पोषण के संग-संग गर्भवती महिला मन बर भी पौष्टिक आहार के व्यवस्था सरकार द्वारा कराए जात हे । जेमा गर्भवती महिला आंगनबाड़ी केंद्र द्वारा पौष्टिक आहार के ब्यवस्ता करे जाथे । भारत ल कुपोषण मुक्त करे के प्रयास म केंद अउ राज्य सरकार दुनो के सकारात्मक पहल ले कुपोषण पीड़ित के संख्या म गिरावट आये हे। सरकारी आंकड़ा के हिसाब ले ये बात पूरा सही साबित होथे । अगर जमीनी हकीकत म देखे जाए तव सरकार के अतका अच्छा नीति के कुछ खामी तक सामने आवत हे ।