भाजपा के दिग्गज मन पाछू….उहें कांग्रेस के मन आघू…. दूसर दउर म घलो भाजपा  पाछू

रायपुर। छत्तीसगढ़ म मतगनना के दउर जारी हवय। सुरूआती दू दउर के मतगनना म  भाजपा ह काफी पाछू हे।  एक ओर भाजपा के तमाम दिग्गज मंत्री पाछू चलत हे। इहां तक के अजेय माने जाने वाले मंत्री बृजमोहन अग्रवाल घलो पाछू चलत हे। उहें कांग्रेस के तमाम दिग्गज नेता मन आधू चलत हे।

दूसर दउर  म भाजपा के  मंत्री केदार कश्यप, महेश गागड़ा, अमर अग्रवाल, दयालदास बघेल, प्रेम प्रकाश पांडेय, बृजमोहन अग्रवाल, राजेश मूणत पाछू चलत हे।  एखर संग विधानसभा अध्यक्ष गौरीशंकर अग्रवाल, देवजी भाई पटेल घलो पाछू हवय। राजनांदगांव ले मुख्यमंत्री रमन सिंह  अउ कुरुद ले अजय चंद्राकर आघू चलत हे।

अभी कांग्रेस ह 54 सीट मन म बढ़त बनाए हे।  त भाजपा 27 सीट म आघू हे । कांग्रेस के दिग्गज नेता म पाटन से भूपेश बघेल ह बढ़त बना लीस हे, उहें  नेता प्रतिपक्ष टीएस सिंहदेव ह 5000 ले जादा वोट ले आघू चलत हे।  रायपुर ग्रामीन ले सत्यनारायण शर्मा, सक्ती चरणदास महंत, अमरजीत भगत, उमेश पटेल, कुलदीप जुनेजा, धनेंद्र साहू आघू चलत हे।