भाजपा के राष्ट्रीय अध्यक्ष अमित शाह के रायपुर म भव्य रोड शो

रायपुर। भाजपा के राष्ट्रीय अध्यक्ष अमित शाह ह अपन छत्तीसगढ़ दौरा म कई जघा चुनावी सभा लीन जेमा उमन छत्तीसगढ़ के पत्थलगांव (जशपुर) म जनसभा ल संबोधित करिन। अउ छत्तीसगढ़ के धमतरी म जनसभा ल तको संबोधित करिन। उमन रायपुर के भाजपा प्रत्याशी अउ लोकप्रिय मंत्री बृजमोहन अग्रवाल के संग रायपुर म भव्य रोड शो करिन।
उमन रोड शो म उमड़े जनसमूह ल देख के कहिन के भारतीय जनता पार्टी समस्या मन के समाधान करके जनता के जीवन स्तर ल ऊपर उठाए बर काम करइया पार्टी हे जबकि कांग्रेस जनता ल समस्या म म झोंकने वाले पार्टी हे। उमन एहू कहिन के पाछू 15 बछर म होए विकास अऊ समृद्ध छत्तीसगढ़ के निर्माण बर छत्तीसगढ़ के जनता कदम ले कदम मिलाके संग चलत हे। रोड शो के बेरा भारी जनमत स्पष्ट संकेत हे कि प्रदेश के जनता डॉ.रमन सिंह जी के नेतृत्व म सुशासन के कमल खिलाए बर एक पइत फेर तैयार हे।