रायपुर । छत्तीसगढ़ सरकार के लोक सुराज अभियान अउ संगठन के जन संपर्क पदयात्रा ल भाजपा ह पूरा देश म मॉडल के रुप म अपनाए के तैयारी म हे। एखर बर भाजपा के शीर्ष नेतृत्व ह हरी झंडी देय दे हे।
भाजपा के राष्ट्रीय नेतृत्व ह छत्तीसगढ़ के लोकसुराज अभियान अउ जनसंपर्क यात्रा ल भाजपा शासित राज्यमन म मॉडल के रुप म लागू करे के तैयारी हो।
भाजपा शासित 15 राज्य मन म छत्तीसगढ़ के ये दूनों अभियान ल लागू करे जाही। एखर ले पार्टी अउ संबंधित राज्य मन के सरकार ह आम जनता ले सोझे संपर्क साध सकही। कांग्रेस भाजपा के ये रोल माडल ले कोनो खास इत्तेफाक नइ रखय है। इती प्रदेश भाजपा ये बात ले अउ जादा खुश हे कि उखर ये अभियान मन ल केन्द्र स्तर म सराहा जात हे। संगे संग भाजपा के ये घलो मानना हे कि ये तरह के अभियान मन ले बहुत जल्द देश ह कांग्रेस मुक्त होही।
