रायपुर । छत्तीसगढ़ म मुख्यमंत्री डॉ रमन सिंह के लोक सुराज अभियान के बाद अब प्रदेश भाजपा 14 अप्रैल ले 5 मई तक केन्द्र सरकार के योजना मन ल आम लोगन तक पहुंचाए बर ग्राम सुराज अभियान चलाही। भारत रत्न बाबा साहेब डॉ. भीमराव अम्बेडर के जयंती समरसता दिवस ले ग्राम सुराज अभियान के शुरूआत होही।
ये अभियान के तहत प्रधानमंत्री नरेन्द्र मोदी के गांव, गरीब अउ किसान मन के हित म चलाए जा रहे जन कल्याणकारी योजना मन के बारे म विस्तार ले जानकारी दे जाही। राष्ट्रीय अध्यक्ष अमित शाह के निर्देशा म ग्राम पंचायत लेके संसद तक के सबो कार्यकर्ता ये अभियान म शामिल होही।
निर्धारित कार्यक्रम के मुताबिक 14 अप्रैल बाबा साहेब डॉ. भीमराव अम्बेडर जयंती के आयोजन अउ प्रधानमंत्री नरेन्द्र मोदी के उद्बोधन के सीधा प्रसारण होही। 18 अप्रैल स्वच्छ भारत पर्व, 20 अप्रैल उज्जवला पंचायत, 24 अप्रैल पंचायती राज दिवस, 28 अप्रैल ग्राम शक्ति अभियान, 30 अप्रैल आयुष्मान भारत अभियान, 2 मई किसान कल्याण कार्यशाला अउ 5 मई के आजीविका एवं कौशल विकास मेला के आयोजन करे जाही।
