भाजपा वरिष्ठ नेता मन ह हवय नाराज….लोकसभा  चुनाव म पड़ही असर

रायपुर। भाजपा विधायक दल के बइठक म काफी जद्दोजहद के बाद नेता प्रतिपक्ष के रूप म धर्मलाल कौशिक ल चुने गेहे। ए बीच म बइठक म काफी गहमागहमी के माहउल रिहस हे। नेता प्रतिपक्ष के नाम ल लेके बइठक के अंदर वाद-विवाद के स्थिति बने रहीस। अब पार्टी के वरिष्ठ नेता मन म विरोध के स्वर उठत हे।

धरमलाल कौशिक ल नेता प्रतिपक्ष बनाए ले पार्टी के अंदर ले अब उंखर खेलाफ आवाज उठन लगे हे। पार्टी के कुछु नेता लामबंद हो गेहे।  अइसन लोगन के आरोप हे के कौशिक के वजह ले ही भाजपा विधानसभा चुनाव म अतना बुरी तरह ले हारे हन। एखर बावजूद उमन ल नेता प्रतिपक्ष बना देय गेहे।  जेखर ले पार्टी कार्यकर्ता मन म काफी मायूसी हवय अउ नाराजगी घलोक हे। उहें नेता मन के ए भी कहिना  हे के कौशिक के अलावा  पार्टी म कई वरिष्ठ विधायक हवय। एमा बृजमोहन अग्रवाल अउ ननकीराम कंवर घलो सामिल हे, एमन ल नेता प्रतिपक्ष बना जाए जातिस।  लेकिन कौशिक ल नेता प्रतिपक्ष बनाय गिस। एखर चलत लोकसभा चुनाव म घलो गंभीर परिनाम भुगतना पड़ सकत हे।