रायपुर । मुख्यमंत्री डॉ. रमन सिंह ह कहिन हें के भारत-रुस मैत्री के सबले बड़े उदाहरण छत्तीसगढ़ के भिलाई इस्पात संयंत्र हे, जेकर निर्माण म दूनों देश मन के इंजीनियर मन अउ कामइया मन ह मिलके मेहनत करें हें। मुख्यमंत्री ह भारत-रूस मैत्री के 70 बछर होए अउ 71वां बछर म प्रवेश करे के अवसर म मोटर-कार रैली के अपन निवास परिसर म शुभारंभ करत ए आशय के विचार व्यक्त करिन। उमन रैली म संघरे भारत, रुस अउ थाईलैंड के यात्रि मन के छत्तीसगढ़ म स्वागत करिस। डॉ. सिंह ह परिसर म झंडी देखाके रैली ल भारत म आघू के नौ हजार किलोमीटर के यात्रा बर शुभकामना सहित भावभिनी बिदाई दीस। रैली के आयोजन भारत सरकार के विदेश मंत्रालय कोति ले करे गए हे। ये रैली मगलवार के भिलाई इस्पात संयंत्र ले सुरू हो के सुबह रायपुर पहुंचिस।
