भावी माननीय मन ल एयरलिफ्ट ले लाए के तइयारी म कांग्रेस

 रायपुर। 15 साल ले वनवास काटत कांग्रेस ह ए बार सत्ता हाथ ले न जाए, एखर बर हर संभव कोसिस करत हे।  एक्जिट पोल ले उत्साहित कांग्रेस ह हार्स ट्रेड़िंग ले डर रहत हे। अउ  एखर ले बचे बर अपन विजयी उम्मीदवार मन ल एयर लिफ्ट करे केक योजना बना लेहे। । खासकर सरगुजा अउ बस्तर के भावी विधायक मन ल राजधानी लाए बर एखर उपयोग कर सकत हे।

कांग्रेस विजयी प्रत्याशी मन ल हॉर्स ट्रेडिंग ले बचाय बर हर संभव प्रयास करत दिखाई करत हे।  पहिली विजयी प्रत्यासी मन ल जीत के सर्टिफिकेट लेके राजधानी पहुंचे बर निरदेस दिस। अब उमन ल एयरलिफ्ट करे  के घलोक तइयारी करत हवय।  सूत्र मन के मानन त दूरस्थ जिला  के प्रत्यासी  मन ल  हेलीकॉप्टर ले रायपुर लाए जा सकत हे।

ए दफा  विधानसभा चुनाव के सुरुवात ले ही कांग्रेस ह हर संभव सावधानी बरतत हे।  अब मतगनना के बाद घलोक विजयी प्रत्यासी मन ल फ्लोर टेस्ट तक कोनो   तरह के हॉर्स ट्रेडिंग ले  बचाए बर पूरा प्रयास करत हे।   खबर मिलत हे के प्रदेस के दूरस्थ जिला के प्रत्याशी मन हेलीकॉप्टर ले एयरलिफ्ट करे के योजना बनावत हे। । ताकी सड़क मारग ले आए म लगइया समय अउ इहीं दउरान कोनो भी अप्रत्यासित अनहोनी ले उमन ल बचाया जा सकय। बता दन के बस्तर अउ सरगुजा के करीब आधा दर्जन जिला रायपुर ले 300ले 400 किलोमीटर के दूरी अउ  सघन जंगल होए के कारन  उहां ले रायपुर आए म अबड़ समय लगथे। खबर ए घलोक हे के  रायपुर पहुंचे के बाद कांग्रेस ह विजयी प्रत्यासी मन ल तत्काल कोनो अज्ञात स्थान संभवत: हैदराबाद म सिफ्ट कर सकत हे।