भूपेश अउ रमन हो ही पड़ोसी… डॉ सिंह ल चंद्राकर के बंगला एलॉट

रायपुर। पूर्व मुख्यमंत्री डॉ. रमन सिंह ल अजय चन्द्राकर के बंगला  आवंटित करे गे हे। सिविल लाइन म स्थित ए बंगला मुख्यमंत्री निवास के करीब हे। ए बंगला रमन सिंह ल देय जाए के कारन सुरक्षा घलो हे। चूंकि रमन सिंह 15 साल तक छत्तीसगढ़ के सीएम रहे हे अउ ए  राज्य नक्सल प्रभावित राज्य हे।  इसलिए केन्द्र सरकार ह उमन ल जेड प्लस  सुरक्षा के सुविधा दे हे।  

राज्य म नवां  सरकार के गठन के संह ही उमन पूर्व मुख्यमंत्री ल अजय चन्द्राकर (पूर्व मंत्री) के बंगला एलाट कर देय हे। हालांकि पूर्व सीएम ल अतना बड़ बंगला एलाट करे के नियम नइए काबर के अब  रमन सिंह केवल विधायक हे। मगर उंखर 15 साल के कार्यकाल अउ नक्सल प्रभावित राज्य ल देखत हुए उमन ल सुरक्षा के लिहाज ले ए बंगला आवंटित करे गे हे । अजय चन्द्राकर जे बंगला रहत हे,  वो ह   सीएम हाउस  के तीर हे ।  यानी के अब  मुख्यमंत्री भूपेश बघेल अउ पूर्व मुख्यमंत्री डॉ. रमन सिंह पड़ोसी होंही।