भूपेश के काफिला बर नइ रोके जा ही एंबुलेंस ल ….

13 के जगा 9 गाड़ी के काफिला म चल ही मुख्यमंत्री

रायपुर। भूपेश बघेल ह अफसर मन ल ए आदेस जारी करिस हे के सीएम के काफिला के वजह ले एंबुलेंस ल नइ रोके जाए। उमन अफसर मन ल कहे हेके  काफिला के  सेती  कतकोबेर एंबुलेंस घलोक फंस जाथे, अइसे म इमरजेंसी सेवा मन बाधित न होवय, एखर खियाल रखेजाए’अफसर मन के मानन त नवां मुख्यमंत्रीभूपेश बघेल  ह अब 13 काफिला के जगा म  9 गाड़ी के काफिला म चलही। एखर ले सहर के यातायातबेवस्था सुचारु रूप ले चलही।

दरअसल यातायात बेवस्था ले धियान म रख के सीएम भूपेश बघेल 13 के जगह 9 गाड़ी  काफिला म चलही। उंखर काफिला के वजह ले एंबुलेंस ल नइ रोके जाए। एखर ले एक ओर जिहां आम अवाम  ल स्वास्थ्य सुविधा मन  बेरा म मिलही। उहेंहीं राजकीय खजाना के भार घलो हलका हो ही।  दरअसल जादा लंबा काफिला होय ले लोगन ल  ट्रैफिक म काफी परेसानी के सामना करना पड़थे। लिहाजा भूपेश बघेल आम लोगन के परेसानी ल समझत हुए अपन काफिला के गाड़ी मन के  संख्या ल कम करे के आदेस देय हे।  पूर्व मुख्यमंत्री डॉक्टर रमन सिंह एनएसजी सुरक्षा के तहत 13 काफिला रखत रहिन हे। लेकिन नवां मुख्यमंत्री भूपेश बघेल ह 9 काफिला रखे के फरमान जारी करे हे।