भूपेश के बयान म कौशिक के पलटवार….बघेल अउ दीगर नेता खुद महात्मा गांधी के विचार मन के हत्यारा बन बइठे हे

रायपुर। भाजपा ह गांधी हत्या के मामला म संघ अउ भाजपा के नाम घसीटे म प्रदेस कांग्रेस अध्यक्छ भूपेश बघेल ल आड़े हाथ लेवत हुए कहिन के सत्ता हासिल करे बर कांग्रेस के नेता अब एक बार फेर झूठ, फरेब, षड्यंत्र के पराकाष्ठा लांघत हे।
प्रदेशाध्यक्छ अध्यक्ष धरमलाल कौशिक ह शुक्रवार के बघेल के ओ बेयान म कड़ा एतराज जताइस हे के भाजपा के नेता महात्मा गांधी के हत्या म मिठाई बांटइया लोगन हे। कौशिक ह बघेल के जेल-बेल के खेल म कटाक्ष करत हुए कहिन के दरअसल कांग्रेस के प्रदेस अध्यक्छ बघेल अउ दीगर नेता खुद महात्मा गांधी के विचार मन के हत्यारा बन बइठे हे, जे सेक्स सीडी बर ‘सत्याग्रह’ जइसे शब्द मन के इस्तेमाल करके अपन राजनीतिक बेहयाई के प्रदरसन करत हे अउ महात्मा गांधी के शुचितापूरन राजनीतिक अवधारना के कलंकित करत हे।
श्री कौशिक ह कहिन के झूठ, फरेब अउ षड्यंत्र म उतरे कांग्रेस 70 बछर ले महात्मा गांधी के हत्या के मामला म अपन झूठ ल भुनावत हे अउ राष्ट्रीय स्वयंसेवक संघ व भाजपा नेता मन के बदनाम करे बर ये झूठ के सवारी करत हे। लेकिन महात्मा गांधी के हत्या म संघ उपर एक ठन आरोप साबित नइ कर सकइया कांग्रेस खुद 1984 के इंदिरा गांधी हत्याकांड के बाद समूचा देस म सिख मन के नरसंहार के कलंक के भागीदार रहे हे। तब तत्कालीन प्रधानमंत्री राजीव गांधी ह ये घलो कहे रहिस हे के ‘जब कोनो बड़ पेड़ गिरथे तव धरती हिलथे’, ये नरसंहार ल परोक्छ तउर पर सह देय के काम ही करिन हे।
भाजपा प्रदेशाध्यत्छ ह कहिन के पूरा देस जानत हे के इंदिरा-हत्याकांड के बाद होय सिख-नरसंहार के मामला म कांग्रेस के कई दिग्गज नेता मन दोषी सिध्द होइस हे अउ ये घटना के सालों बाद देस के पूरव प्रधानमंत्री मनमोहन सिंह लोकसभा म माफी मांगिस हे । कांग्रेस के पाप मन के प्रायश्चित करे के नाकाम कोसिस तक कर चुके हे।