रायपुर । छत्तीसगढ़ म कांग्रेस के सरकारबनवाए म भूपेश बघेल के मेहनत अउ उंखर अंदाज ल नजरअंदाज कतई नइ करे जा सकय। 15 साल बादकोनो प्रदेस कांग्रेस अध्यक्ष के नेतृत्व म अइसे आंधी आईस हे के पूरा के पूरा रमन सरकारउड़ गिस। कमल मुरझा गे अउ पंजा छा गिस। राहुलह उंखर मेहनत अउ नेतृत्व के क्षमता ल देखत हुए एक फेर विश्वास करत हुए प्रदेश के नवांमुखिया चुने हे।
छत्तीसगढ़ म कांग्रेस के सत्ता के सूखा खत्म होगे। 15 साल के वनवास के बाद कांग्रेस ल गद्दी मिले हे, वो घलो बड़ जनादेश के संग। ए बड़ जीत के मुख्य किरदार हे प्रदेस कांग्रेस अध्यक्ष भूपेश बघेल। पाटन विधानसभा ले विधायक भूपेश बघेल अपन तेज तर्रार राजनीति अउ बेबाक अंदाज बर प्रदेश म जाने जाथे।
भूपेश बघेल जिहां खेती-किसानी अउ किसान मनके मुद्दा ल लेके राजनीति करथे। अइसन नेता जे मुरझाए छत्तीसगढ़ कांग्रेस म जान फूंक दीन अउ जे अपन आक्रामक सैली बर घलो पहिचाने जाथे। भूपेश बघेल के जन्म 23 अगस्त 1961के दुर्ग जिला के विकास खंड पाटन के म होइस। उमन कुरमी समाज ले आथे। अउ ए समाज म उंखर अच्छा खासा जनाधार हे।
अइसे हे राजनीतिक सफर
भूपेश बघेल के राजनीतिक जीवन के बात करन त उमन साल 1985 म यूथ कांग्रेस ज्वॉइन करिन। 1993 म जब मध्यप्रदेस म विधानसभा चुनाव होइस त पहिली बार पाटन विधान सभा ले विधायक चुने गिन। उमन बीएसपी के केजूराम वर्मा ल करीब 3000 वोट ले मात देय रहिन हे। एखर बाद अगला चुनाव घलो उमन पाटन ले ही जीतिन अउ ये मिथक ल तोड़ीन के पाटन ले लगातार कोनो विधायक बनय। उमन बीजेपी के निरुपमा चंद्राकर ल 3700 वोट ले हराइन।
जब मध्यप्रदेस म दिग्विजय सिंह के सरकार बनिस, त भूपेश राज्य मंत्री बनिन। एखर पहिली सन् 1990-94 तक जिला युवा कांग्रेस कमेटी दुर्ग (ग्रामीण) के अध्यक्ष रहिन। एखर अलावा सन् 1993 ले 2001 तक मध्य प्रदेस हाउसिंग बोर्ड के डायरेक्टर रहिन। भूपेश ह 1994–95 म मध्य प्रदेस कांग्रेस के उपाध्यक्ष रहि चुके हे। साल 1999 म पहिली बेर मध्य प्रदेस म दिग्विजय सिंह के सरकार म उमन ल परिवहन मंत्री बनाए गिस।
जोगी के सरकार म कैबिनेट मंत्री
साल 2000 म जब अलग छत्तीसगढ़ राज्य के गठन होइस त कांग्रेस के सरकार बनिस अउ अजीत जोगी ल मुख्यमंत्री बनए गिस। जोगी सरकार म भूपेश कैबिनेट मंत्री रहे हे। सन् 2003 म कांग्रेस जब सत्ता ले बाहिर होइस त भूपेश ह विपक्ष के उपनेता बनिन। उमन साल 2003 म पाटन विधानसभा ले जीत दर्ज करिन। लेकिन 2008 म बीजेपी के विजय बघेल ले उमन चुनाव हार गे। साल 2013 म पाटन विधानसभा ले जीत दर्ज करिन। अक्टूबर 2014 म उमन ल छत्तीसगढ़ प्रदेस कांग्रेस का अध्यक्ष बनाए गिस अउ तब ले उमन ए पद म आसीन हे।
Other Articles
