भूपेश बघले ल मिले हे छग के कमान…… कांग्रेस के दूसर मुख्यमंत्री के रूप म लिही काली सपथ

भूपेश बघले ल मिले हे छग के कमान…… कांग्रेस के दूसर मुख्यमंत्री के रूप म लिही  काली सपथ

रायपुर । छत्तीसगढ़ के इतिहास म सबले बड़े जीत दर्ज करे के बाद कांग्रेस ह प्रदेस के मुख्यमंत्री कउन होही। ए सवाल ले पर्दा उठा दे हे।  3 दिन के रस्साकसी के बाद आखिर कांग्रेस हाईकमान ह भूपेश बघेल ल प्रदेस के कमान सउप दीस हे। भूपेश बघेल प्रदेस के दूसर कांग्रेसी मुख्यमंत्री होंही। एखर पहिली 2000 म अजीत जोगी छत्तीसगढ़ के पहिली मुख्यमंत्री बने रहिस हे।  प्रदेस के तीसर मुख्यमंत्री के रूप म काली साँस कालेज मइदान म शपथ लिही

बता दन के कांग्रेस के वरिष्ठ नेता मल्लिकार्जुन 13 दिसंबर के आब्जर्वर के रूप म छत्तीसगढ़ पहुंचिन। उमन इहां विधायक दल के बइठक लीन। विधायक मन ले रायसुमारी अउ कांग्रेस आलाकमान ले हरी झंडी मिले के बाद भूपेश बघेल के नाम मुख्यमंत्री के रूप म घोसित करे गेहे।

भूपेश बघेल छत्तीसगढ़ के नवां मुख्यमंत्री होंही। कांग्रेस विधायक दल ह भूपेश बघेल ल अपन नेता चुन लिस हे। बघेल के नाम के औपचारिक ऐलान हो गे हे।  राजीव भवन म कांग्रेस के बइठक होइस। भूपेश बघेल ल राहुल ह छत्तीसगढ़ के कमान सउपत हए मुख्यमंत्री बनाए के  फइसला लेहे।  

कांग्रेस विधायक दल के बइठक म भूपेश बघेल के नाम पर सहमति बने हे।  लिफाफा ले भूपेश बघेल के नाम निकले हे।  पीसीसी दफ्तर म कार्यकर्ता मन म  भूपेश बघेल के मुख्यमंत्री  बने म भारी उत्साह दिखत हे।

सीएम बने के रेस म टीएस सिंहदेव घलो रहिन हे।  उखर रुख सरल, सहज स्वभाव के कारन कयास लगाए जात रहिस हे के उमन ल सीएम बनाए जा सकता हे।  लेकिन बघेल के राजनीतिक अनुभव ल देखत हुए राहुल गांधी ह उमन ल  प्राथमिकता देवत हुए सीएम बनाए हे।