भूपेश बघेल के टीम हो ही अनुभवी व आक्रमक

रायपुर। मुख्यमंत्री भूपेश बघेल  ह मंत्रिमंडल के सूची लेके दिल्ली  ले वापिस लउट आए हे। उमन एयरपोर्ट म मीडिया ले चर्चा म मंत्रिमंडल के सूची बन जाए के बात बताइस। कांग्रेस के भीतरी सूत्र मन के मानन त प्रदेस के नवा मंत्रिमंडल म वरिष्ठ नेतामन ल तरजीह दे गेहे।  एमा  कुछु काफी अनुभवी हवय। उहें कुछु अइसे घलो हे जेखर सैली सदन म आक्रमक रहे हे।  तथ्य अउ प्रमान के संग सदन म उतरइया  ए नेता विपक्ष म रहत हुए कई बार सरकार ल घेरे म सफलता हासिल कर चुके हे। अब राज्यपाल ले सपथ ग्रहन बर वक्त मिलत ही संभव हे के24 दिसंबर के मंत्रिमंडल के सदस्य सपथ लेंही।  

मंत्रिमंडल म रायपुर ले सत्यनारायण शर्मा, प्रदेश कांग्रेस के कार्यकारी अध्यक्ष अउ आरंग विधायक शिव डहरिया, साजा के विधायक रविंद्र चौबे, दुर्ग ले अरुण वोरा, बस्तर ले मनोज मंडावी अउ एक अन्य, सरगुजा ले रामपुकार सिंह व एक अन्य,  महिला म अनिला भेड़िया व अल्पसंख्यक वर्ग ले कवर्धा ले प्रदेस म सर्वाधिक मत ले जीते मोहम्मद अकबर सामिल होए के पूरा आसार हे।