भूपेश बघेल के पहिली खबर जनसंपर्क विभाग ले होइस जारी

रायपुर। जनसंपर्क विभाग ह मुख्यमंत्रीके रूप म भूपेश बघेल के पहिली खबर ल अपन वेबसाइड ले जारी करिस हे। एमा भावी मुख्यमंत्रीभूपेश बघेल के ओर ले गुरु घासीदास जयंती के अवसर म सुभकामना संदेस हवय। धियान होहीके जनसंपर्क विभाग के अधिकारिक वेबसाइट डीपीआरसीजीडॉटजीओवीडॉटआईएन हवय। जेमा मुख्यमंत्री.मंत्री, राजयपाल समेत विभाग मन के खबर डाले जाथे।   

ये खबर म छत्तीसगढ़ के नवनिर्वाचित मुख्यमंत्री भूपेश बघेल ह मंगलवार, 18 दिसम्बर के गुरू बाबा घासीदास जी के जयंती के अवसर  म हार्दिक बधाई  अउ सुभकामना देहे। उमन  गुरू घासीदास जयंती म आज जारी सुभकामना संदेस म कहिन के, गुरू बाबा घासीदास भारत माता अउ छत्तीसगढ़ महतारी के अनमोल रत्न मन म  रहिन हे, जेमन सत्य, अहिंसा, दया, करूणा अउ परोपकार जइसे सर्वश्रेष्ठ मानवीय मूल्य म आधारित अपन महान जीवन दरसन के जरिए देस अउ दुनिया ल मानवता के मारग म चले के  प्रेरना दीन। उंखर विचार आज घलोक प्रासंगिक अउ  प्रेरनादायक हवय। हमार सरकार गुरू बाबा घासीदास के बताए मारग म चल के  नवां छत्तीसगढ़ के निरमान अउ विकास बर वचनबद्ध  हे।  मुख्यमंत्री हकहिन के, गुरू बाबा के जन्म स्थली अउ तपोभूमि गिरौदपुरी धाम छत्तीसगढ़ के संग-संग सम्पूर्ण राष्ट्र के पावन तीर्थो म एक हे।