भूपेश बघेल कैबिनेट के बइठक आज… हो ही सरकार के प्रथम अनुपूरक बजट के अनुमोदन

रायपुर । नवां साल के पहिली दिन मंगलवार के भूपेश बघेल कैबिनेट के बइठक बुलाए गेहे। राज्य म कांग्रेस के नवां सरकार नवां साल के स्वागत कैबिनेट के बइठक ले करही। बइठक म सरकार प्रथम अनुपूरक बजट के अनुमोदन करही।

एखर अलावा ए मीटिंग म कतको अहम फइसला म मुहर लगही। बता दन के प्रदेस म कांग्रेस के नवां सरकार बने के बाद कैबिनेट के ए तीसरइया बइठक होही।  एखर पहिली कैबिनेट के दू बइठक हो चुके हे।

दूसर बइठक म किसान मन के कर्जमाफी के घोसना करे गे रहिस हे। एखर  संग कई अहम मुद्दा म निरनय ले गिस। कर्जमाफी ल लेके आदेस घलो जारी करे गिस।