मिठास नगरी हसौद म प्रसिद्ध पेड़ा ले तौलाईन मुख्यमंत्री
पूजा अर्चना ले प्रदेस के खुसहाली के करिन कामना
मुख्यमंत्री भूपेश बघेल ह विधानसभा क्षेत्र जैजैपुर म भेंट-मुलाकात अभियान म पहुंचे रिहिन जिहां अधिकारी मन के समीक्षा बईठका अऊ प्रेस कांफ्रेंस ल करे के बाद जिला के गांव हसौद पहुंचिन जिहां आदिशक्ति माँ महामाया देवी के दरसन करिन अऊ विधि विधान ले पूजा पाठ करिन।
मुख्यमंत्री ह आदिशक्ति माँ महामाया देवी ले प्रदेस वासी मन के सुख, समरिद्धी अऊ खुसहाली के कामना करिन। स्थानीय लोगन मन ह बताईन कि आदिशक्ति माई के महिमा ह अपार हे माँ महामाया देवी के प्रतिमा स्वयंभू प्रकट होए हे अऊ ए ह बहुत प्राचीन हे। उहें सन 2003 म गांव वाला मन मिलके एक मंदिर के फेर ले र्निर्माण करिन हे।
सीएम बघेल के स्वागत गांव वाला मन ह मंदिर परिसर के बाहर करिन हे। ओखर आगमन के खुसी म गांव वाला मन सुप्रसिद्ध पेड़ा ले ओल तौलिन। बता देन कि ए गांव ह मिठास नगरी के नाव ले ख्यात हे। इहां सुद्ध दूध ले बने खोवा ले खास विधि ले पेड़ा बनाए जाथे। एखर कारण इहां के पेड़ा के जबर मांग हे। संगे-संग आसपास अऊ देश प्रदेश ले लोगन मन के मुंह म पेड़ा के स्वाद ह जगह बना ले हे।
Other Articles
Raipur : हाउसिंग बोर्ड परियोजना बर जल्दीच होही जमीन के आबंटन
खेलबो-जीतबो, गढ़बो, नवा छत्तीसगढ़
