मंत्री के कहे म मारीस राशन दुकान म छापा, हिसाब म निकलीस गड़बड़ी

रायपुर। हितग्राही मन ल बखत म राशन नइ देना, तय मानक ले कम राशन देना सरकारी राशन दुकान के संचालक ल भारी पड़ गिस। हितग्राही मन येखर शिकायत पीडब्ल्यूडी मंत्री राजेश मूणत ले करिस। मंत्री के निरदेश म खाद्य विभाग के टीम ह दुकान म छापा मारिस। हिसाब-किताब म भारी गड़बड़ी पाए गिस। जेखर बर वस्तु अधिनियम के तहत मामला दरज कर ले गिस। खाद्य नियंत्रक जीएस राठौर ह बताइस कि रायपुरा के राशन दुकान म राशन न मिले के शिकायत मिलिस हे। ये घलोक शिकायत मिलिस कि हर हर महादेव सरकारी उपभोक्ता भंडार म हितग्राही मन के चावल म 4 ले 5 किलो के कटौती करे जात हे। जेमा मंगलवार के विभाग के अधिकारी मन ह दुकान म छापामार कार्रवाई करिस। स्टॉक के जांच करे म भारी गड़बड़ी सामने आइस हे।