मंत्री दयालदास बघेल के बूथ म अजीबों-गरीबों हरकत..पढ़व खबर

दुर्ग। छत्तीसगढ़ म दूसर चरन के मतदान के दिन प्रत्याशी मन के अजीबो-गरीबों कारनामा देखे म आइस। बेमेतरा जिला के नवागढ़ विधानसभा के  बीजेपी प्रत्यासी अउ मंत्री दयालदास बघेल अगरबत्ती जलाके मतदान केंद्र पहुंचिन। ए बात इहें खत्म नइ होइस। अगरबत्ती जलाकर पूरा बूथ के चक्कर काटिस। फेर इवीएम मसीन  के बकायदा प्रनाम करिन । एखर बाद  मतदान केंद्र के बाहिर नारियल फोड़िस। तब जाके उमन ह वोट डालिस । ये सब करत बेरा म उंखर संग मतदान केंद्र म बड़ी संख्या म समरथक घलो पहुंचे रहिस हे। जेखर  पीठासीन अधिकारी  ह कोनो आपत्ति दरज नइ कराइस।

कांग्रेस के परिवरतन के लहर अउ संभावना ह भाजपाई मन के नींद उड़ा दीस हे। लोकतंत्र म अभु तक कोन पारटी ल मतदाता समरथन दिस हे, वो ह ईवीएम मशीन म बंद होगिस हे। लेकिन एखर पहिलि प्रदेस म जे स्थिति भाजपा के देखेगिस हे  वो ह चिंतनीय हे। भाजपा नेता मन के तीर ले पुलिस ह सराब, पइसा अउ कंबल समेत ईवीएम मशीन तक जब्त करिन हेहै। कही न कही ए चुनाव म भाजपा के छवि म गहरा प्रभाव पड़िस  हे।