मधु गुप्ता के गोंठ सुनके मुस्कुराइस डॉ. रमन ह

रायपुर। सौर सुजला योजना ह छत्तीसगढ़ के हजारों किसान मन ल अऊ ऊंखर परिवार ल बिजली बिल के चिन्ता ले मुक्‍त कर देहे हे। मुख्यमंत्री डॉ. रमन सिंह ल सरगुजा जिला के ग्राम ससौली (विकासखण्ड-लुण्ड्रा) म आयोजित समाधान शिविर म जब तीर के गांव गड़वीरा के श्रीमती मधु गुप्ता ह मुस्कुरात कहिन कि ये हमार जइसे गरीब किसान मन बर बिलकुल टेंशन-फ्री योजना हे. तव मुख्यमंत्री घलोक मुस्काए बिना नइ रह सकिन। श्रीमती मधु गुप्ता ह मुख्यमंत्री ल बताइस कि सौर सुजला योजना के तहत ऊंखर खेत म सोलर पम्प लगे के बाद अब हमर परिवार टेंशन-फ्री हो गए हें। अउ हमार खेत मन म सिंचाई के समुचित व्यवस्था होगे हे। मधु ह मुख्यमंत्री ले ये घलोक कहिन कि पाछू 38 साल ले मोर मइके अऊ ससुराल वाले घर म पीए के पानी के समस्या रहिस। मैं घलोक परेशान रहेंव। सोलर सिंचाई पम्प ले खेत मन के संगें-संग अब घर बर घलोक पानी मिलत हे। एखर से अब हमर 38 साल जुन्ना समस्या घलोक दूर हो गए हे।