मध्य प्रदेस चुनावी समर म उतरिस बृजमोहन …… मंत्री बिसेन के पक्ष म रोड सो  करिन

रायपुर । छत्तीसगढ़  म विधानसभा चुनाव संपन्न होए के बाद प्रदेस के कृषि मंत्री बृजमोहन अग्रवाल मध्य प्रदेस म होवत विधानसभा चुनाव म भारतीय जनता पार्टी ल जीत दिलाय बर चुनावी मइदान म उतर गिस हे। उमन ह शनिवार के बालाघाट म मंत्री गौरीशंकर बिसेन के पक्ष म रोड सो  करिन।

एखर पहिली उमन ह ताबड़तोड़ 5 बइठ करिन। पहिली उमन  बालाघाट के भाजपा कार्यकर्ता मन के संग बइठिस अउ चुनावी मुद्दा मन म विचार विमर्स करिन। बाद म  उमन ह व्यापारी मन अउ वैश्य समाज के संग, फेर गणमान्य नागरिकमन के संग  अलग-अलग स्थान मन म म बइठक करिन। ए बइठक मन म उमन ह मध्य प्रदेस के सरवगीन विकास बर भारतीय जनता पार्टी ल विजय दिलाय बर आग्रह करिन।