महंत बन ही विधान सभा अध्यक्ष….

रायपुर । कांग्रेस के वरिष्ठ नेता अउ मुख्यमंत्रीपद के चउथा  दावेदार डॉ. चरणदास महंत राज्यके 5वीं विधानसभा के अध्यक्ष बनाए जा सकत हे। बुधवार के ये जानकारी पीसीसी के जानकारसूत्र मन दीन।  उहें  सियासी गलियारा के जानकार मन के मानना हे के यदिउमन ल मंत्री बनाए जातिस त उमन ल घलो  सीएमके संग  सपथ दिलाय जातिस। अइसा नइ करे के पाछुएआईसीसी के आलाकमान के साफ मंसा हे के उमन ल विधानसभा अध्यक्ष बनाये जा ही।

पहिली घलो संभाल चुके हे महत्वपूर्ण जुम्मेदारी

सियासी मामला के जानकार मन कहिन के डॉ. महंत अविभाजित मप्र म गृह, जेल, आबकारी मंत्री जइसे महत्वपूरन पद ल संभाल चुके हे ।एखर अलावा छत्तीसगढ़ पीसीसी के अध्यक्ष अउ केंद्रीय मंत्री के जुम्मेदारी घलो सफलता पूर्वक निभा चुके हे। डॉ. महंत अपन मिलनसार व्यवहार अउ बड़ जनाधार  बर जाने जाथे।  सोनिया गांधी अउ राहुल गांधी ले  उंखर नजदीकियां घो कोनो ले छिपे नइए।  उमन के  गांधी परिवार म अगाध आस्था हे। एआईसीसी के सूत्र मन के अगर मानन त उमन ल  प्रदेस के नवा सरकार म मंत्री बने ले इनकार कर देय रहिन हे । उंखर वरिष्ठता ल  लेके अइसे माने जात हे के  उमन  ल विधानसभा अध्यक्ष बनाय जाए सकत हे।