माटी पुत्र के हाथ मा धान के कटोरा के कमान

रायपुर। तमाम तरह के चर्चा अऊ कयास के बाद आखिरकर धान के कटोरा के कमान माटी पुत्र भूपेश बघेल ल दे दे हे हे। बघेल छत्तीसगढ़ के नवा मुख्यमंत्री होही। बघेल के जनम 23 अगस्त 1961 के दिन पाटन में होए रिहिस। 80 के दशक में जब छत्तीसगढ़ मध्यप्रदेश के हिस्सा होत रिहित तब बघेल ह अपन राजनीति पारी के शुरूआत यूथ कांग्रेस संग शुरू करे रिहिस। अब जब ओ ह छत्तीसगढ़ के मुख्यमंत्री हे कार्यकर्ता सहित छत्तीसगढ़िया मन म उत्साह के संचार हो गे हे।

1994-95 म भूपेश बघेल ल तात्कालीन मध्यप्रदेश यूथ कांग्रेस का उपाध्यक्ष बनाए गे रिहिस। 1993 में जब मध्यप्रदेश म विधानसभा चुनाव होए रिहिस त भूपेश कांग्रेस ले दुर्ग के पाटन सीट ले उम्मीदवार बनाए गे रहिस अऊ ओमा ओमन ह जीत घलो हासिल करिन। बीसएपी के केजूराम वर्मा ल तकरीबन 3000 वोट ले मात दे रिहिन। एखर बाद अगला चुनाव ल घलो ओमन पाटन ले ही जीते रिहिन। ए दरी ओमन बीजेपी के निरुपमा चंद्राकर ल 3700 वोट ले शिकस्त दे रिहिन। जब मध्यप्रदेश म दिग्विजय सिंह के सरकार बनिस त बघेल ल कैबिनेट मंत्री बनाए गे रिहिन।

2000 म जब छत्तीसगढ़ अलग राज्य बनिस तब पाटन छत्तीसगढ़ के हिस्सा बन गे अऊ इहां भी ओमन कैबिनेट मंत्री बनिस। 2003 में कांग्रेस सत्ता ले बाहर हो गे एखर बाद बघेल ल विपक्ष के उपनेता बनाए गे रिहिस।

2004 में जब लोकसभा के चुनाव होवईया रिहिस त भूपेश ल दुर्ग ले उम्मीदवार बनाए गिस लेकिन बीजेपी के ताराचंद साहू का हाथ ओमन ल करीब 65 हजार वोट ले शिकस्त मिलिस। 2009 में कांग्रेस ग ओखर सीट बदलके राजधानी रायपुर ले चुनाव लड़ईस फेर रमेश बैस ले ओमन हार गे। अक्टूबर 2014 म प्रदेश कांग्रेस के अध्यक्ष बनाए गिस तब ले ओमन ह ए पद म नियुक्त रिहिन अऊ ओखरे मेहनत के फल रहे कि कांग्रेस ह पहली बार विधानसभा चुनाव म छत्तीसगढ़ में जीत हासिल करिस, अऊ पूर्ण बहुमत के सरकार बनईस।