मुंगेली : आंगनबाड़ी सहायिका ल युवक ह मारिस गोली…..महिला के हालत गंभीर

नवनीत शुक्ला….

मुंगेली। जिला म एक दिल दहला दे. वाले घटना आघू  आइस हे। मंगलवार दुपहर एक युवक ह स्कूल परिसर म एक आंगनबाड़ी सहायिका ल गोली मार दीस। गोली मार के युवक मउका ले  फरार हो गस हे। महिला ल गंभीर हालत म सिम्स अस्पताल बिलासपुर रेफर करे गिस ।  मुंगेली अउ बिलासपुर पुलिस ए मामला के  जांच म लग गेहे।

मिले जानकारी के मुताबिक मंगलवार के दुपहर मुंगेली जिला के सीमा स्थित ग्राम मोतीमपुर म आंगनबाड़ी सहायिका जोगिता बंजारे आंगनबाड़ी परिसर म रहिस हे। इहीं दउरान एक अज्ञात युवक ह ओला गोली मार दीस हे।  घटना ल अंजाम देय के बाद आरोपी मउका ले  फरार हो गिस हे। ए घटना क सूचना मिलत ही मुंगेली अउ बिलासपुर जिला के पुलिस अधिकारी अउ पुलिस बल घटनास्थल म पहुंच गेहे अउ मउका के मुआयना करिन। आस-पास के लोगन ले फिलहाल पुलिस आरोपी के बारे म पूछताछ करिन।  नजदीकी इलाका म घलो पुलिस  ह एहतियात के दउर म आरोपी ल पकड़े बर अलर्ट जारी कर दिस हे।