मुंगेली के झझपुरी गांव बनिस पुलिस छावनी ……वजह जानव

नवनीत शुक्ला, मुंगेली। जिला के लोरमी इलाका के झझपुरी गांव म दो समुदाय म होए विवाद के बाद स्थिति काफी तनावपूर्ण बन गेहे। बता दन के बीते शुक्रवार के जिला म एक समुदाय के धार्मिक आयोजन के दूसर पक्ष  ह विरोध करिन।  जेखर  बाद ले स्थिति काफी ज्यादा बिगड़त चले गिस। ए दउरान देर रात उपद्रवी मन ह  पुलिस वाहन, एंबुलेंस समेत कतो गाड़ी उपर पथराव घलो करिन। फेर  बाद म हालात अउ जादा तनावपूर्ण होगे।

उहें पुलिस ह रात म उपद्रव कर रहत करीबन  9 लोग ल हिरासत म ले लिस हे।  संद  ही दूनों पक्ष ल समझाइस  घलो दीन।  फिलहाल, मउका मर बड़ संख्या म पुलिस बल तइनात हवय। ए कारण लोरमी अउ झझपुरी गांव पूरी तरह ले पुलिस छावनी म तब्दील हो गे हे।

उहें  एहतियात के तउर म गांव म 200 ले जादा पुलिस बल तइनात करे गेहे।  बिलासपुर, कोरबा, जांजगीर अउ कवर्धा ले पुलिस बल बुलाए गे हे।  ताकि गांव म कोनो भी तरह के कोई अप्रिय घटना न हो सकय।

एसपी, एसडीएम, सीईओ समेत तमाम आला अधिकारी शुक्रवार रात ले गांव म ही तइनात  हवय। संग ही गांव म हालात म काबू करे म जुटे हुए हे।  मामला के जानकारी मुंगेली के एडिशनल एसपी ज्योति सिंह  ह दीस हे। ए दउरान उमन गांव वाले ले सांति बनाए रखे के अपील घलो  करे हे।