मुख्यमंत्री ह अंतर्राष्ट्रीय महिला दिवस म करिस जोहार

रायपुर । मुख्यमंत्री डॉ. रमन सिंह ह 8 मार्च, अंतर्राष्ट्रीय महिला दिवस म महिला मन के दिल से जोहार करिस हे। डॉ. सिंह ह महिला मन संग आम जनता ल घलो बधाई अउ शुभकामनाएं दीस हे। उंमन ह अंतर्राष्ट्रीय महिला दिवस म अपन बधाई संदेश म कहिस कि ये दिन हे जम्मो दुनिया म महिला सशक्तिकरण अउ महिला मन के स्वाभिमान के प्रतीक बन गेहे हे। एखर संग ही ये दिवस ह मानव समाज म महिला अउ पुरूष के बीच समानता के संदेश लेके आथे।
डॉ. सिंह ह कहिन कि भारत के अन्य राज्य मन के तरह छत्तीसगढ़ के महिला मन घलो सामाजिक-आर्थिक अउ शैक्षणिक विकास के क्षेत्र म आगु हवय अउ निर्णायक भूमिका ल निभावत हवय। राज्य सरकार ह महिला सशक्तिकरण क दिशा म विगत 14 बरस ले कई महत्वपूर्ण कदम उठाइस हे। त्रिस्तरीय पंचायत के चुनाव म उंमन ल 50 प्रतिशत आरक्षण दे गेहे हे। खुशी के बात ये हवय कि एखर ले ज्यादा संख्या म महिला मन ग्राम पंचायत, जनपद पंचायत अउ जिला पंचायत म निर्वाचित होके आवत हे। अउ जनता के नेतृत्व करत हुए पंचायती राज ल मजबूत बनाके गांव मन के विकास म महत्वपूर्ण भूमिका निभावत हवय।