मुख्यमंत्री ह कक्षा पांचवी के छात्रा शोभा ल दीस असीस

रायपुर। मुख्यमंत्री डॉ. रमन सिंह जब पुसल्दा समाधान शिविर म गांव वाले मन ले ऊंखर आवेदन मन म करे गए कार्रवाई अऊ कल्याणकारी योजना मन ले मिलइया लाभ के बारे म जानकारी लेवत रहिन। तब शिविर स्थल म अपन माता पिता के संग कुछ स्कूली लइका घलोक स्कूल ड्रेस म खेलत दिखिन। मुख्यमंत्री ह एक छात्रा शोभा महंत ल मंच म बलाइन अऊ उंखर से पढ़ाई लिखाई के बारे म जानकारी लीन। शोभा ह बताइस कि वो कक्षा पांचवी म पढ़थे। मुख्यमंत्री ह शोभा ले चउदा के पहाड़ा सुनाए ल कहिन। शोभा ह बिना अटके पूरा आत्मविश्वास के संग चउदा के पहाड़ा एक लय म सुना दीन। मुख्यमंत्री ह शोभा के आत्मविश्वास अउ प्रतिभा के सराहना करत ओला आशीर्वाद दीन।