मुख्य निर्वाचन कार्यालय म धरना देना महंगा पड़िस भूपेश ल

निर्वाचन आयोग के सिकायत के बाद दू अलग मामला दरज करे गिस

रायपुर। मुख्य निर्वाचन पदाधिकारी के कार्यालय के आघू कार्यकार्ता मन के संग धरना ह प्रदेश कांग्रेस के प्रदेसाध्यक्ष भूपेश बघेल बर मुसीबत खड़े कर देहे। निर्वाचन आयोग ले प्रतिवेदन मिले के बाद गोल बाजार थाना म भूपेश बघेल के खेलाफ अलग-अलग धारा मन के तहत मामला दरज कर लेय गिस हे।

पाछु कुछु दिन मन  निर्वाचन आयोग के  आघू धरना देय म  पुलिस ह परदेस  कांग्रेस अध्यक्ष के खेलाफ गोल बाजार थाना म मामला दरज  करिस हे। उँखर उपर   निर्वाचन आयोग के सिकायत के बाद दू अलग मामला दरज करे गिस।  जानकारी होही के मतदान के पूर्व भूपेश बघेल ह कार्यकर्ता मन के संग  निर्वाचन आयोग के आघू धरना देय रहिस हे। उमन भाजपा के पदाधिकारी मन के  राजधानी म उपस्थिति ल  लेके  धरना दिस हे । ए पूरा मामला के जानकारी देवत हुए अतिरिक्त पुलिस अधीक्षक प्रफुल्ल ठाकुर ह बताइस के धारा 144 लगे रहे के बाद घलो निर्वाचन कार्यालय म भीड़ लेके पहुंचे के सिकायत  म राजधानी पुलिस ह कार्रवाई करत हुए गोल बाजार थाना म 245/18 धारा 188, लोक प्रतिनिधित्व अधिनियम 1951 के धारा 126 के तहत अपराध पंजीबद्ध कर मामला के जांच करत हे।  जेखर बाद  कार्यवाही करे जाही।