मुरारका ल 75 लाख देवइया के तलास सुरू

रायपुर। सीडी कांड म अब सीबीआई ह कैलाश मुरारका ल 75 लाख देवइया के तलास सुरू कर दीस हे। सीबीआई के आला अधिकारी मन ह बताइस के मानस साहू के बैंक खाता म पइसा जमा करे गिस । येखर पुख्ता जानकारी मिल जाही के ये पइसा कउन जमा करिस हे।
अभु ये बात के खुलासा नइ होय हे के 75 लाख मुरारका ल कउन दिस। सूत्र मन के कहिना हे के पूरक चालान म घलो इन आरोपी मन के नाम घलो सामिल करे जाही। सीबीआई के अधिकारी मन बताइस के विनोद वर्मा के मोबाइल ले अश्लील वीडियो भेजे के प्रमाण मिले हे। येखर आधार म ही भूपेश बघेल उपर कार्रवाई होइस हे।
बताय जात हे के कैलाश मुरारका ले घलो सीबीआई ह जे बयान लिस हे ,ओमा घलो पइसा देय अउ मानस साहू के खाता म पइसा जमा करे ले लेके सवाल करे गिस हे। उहां घलो पइसा देय ले इनकार करिस हे। सीबीआई के अधिकारी मन ह कैलाश इनकार म कहिन के , मीडिया के आघू मुरारका झूठ बोलत हे। सीबीआई के पास येखर पुख्ता प्रमान हे के सीडी बनाय म कैलाश अउ विजय भाटिया सामिल हे।
–