युवा मन के हित म सीएम के बड़का फैसला, आईआईटी प्रशिक्षण अधिकारी मन के पद बाढ़गे.. 920 पद म भर्ती

रायपुर. मुख्यमंत्री भूपेश बघेल के निर्देस ले युवा मन के हित म आई.टी.आई के प्रशिक्षण अधिकारियों मन के भर्ती बर निकले पद ल अब 366 ले बढ़ाके अब 920 कर दे गे हे। अब प्रशिक्षण अधिकारी मन के 920 पद म भर्ती होही। संचालक रोजगार प्रशिक्षण ह एखर बर संशोधित विज्ञापन घलो जारी कर दे हे। जेन अभ्यर्थी मन आवेदन कर चुके हे ओमन ल दोबारा आवेदन करे के जरूरत नई हे। बता देन कि एक पद म छत्तीसगढ़ के मूल निवासी मन के भर्ती करे जाही।
छत्तीसगढ़ व्यवसायिक परीक्षा मंडल के माध्यम ले ए पद बर भर्ती करे जाही। ऑनलाइन आवेदन के प्रक्रिया 8 मई ले शुरू हो गे हे। बता देन कि माननीय सुप्रीम कोर्ट के आदेश के बाद मुख्यमंत्री भूपेश बघेल ह भर्ती के संबंध म उच्च अधिकारी मन के बईठका लेके निर्देश दे रहिन कि अब अलग-अलग पद म भर्ती के प्रक्रिया ल शुरू कर दे जाए। जैखर बार विभाग मन डाहर ले भर्ती प्रक्रिया तेजी ले जारी हो गे हे।
विभाग की ओर से प्रशिक्षण अधिकारी मन के भर्ती बर जारी संशोधित विज्ञापन म इलेक्ट्रिशियन के 51 पद ल बढ़ाके 90, कम्प्यूटर ऑपरेटर एंड प्रोग्रामिंग असिस्टेंट के 86 पद ल बढ़ाके 242, कारपेंटर के 02 पद ल बढ़ाके 09, टर्नर के 06 पद ल बढ़ाके 10, फिटर के 48 पद ल बढ़ाके 100 पद, मैकेनिक ट्रैक्टर के 02 पद ले बढ़ाके 3, मैकेनिक डीजल के 32 पद ल बढ़ाके 90, मैकेनिक मोटर व्हीकल के 05 पद ल बढ़ाके 07, वर्कशॉप कैल्युलेशन एवं इंजीनियरिंग ड्रॉइंग के 72 पद ल बढ़ाके 234 पद, वायरमैन के 02 पद ल बढ़ाके 06, वेल्डर के 30 पद ल बढ़ाके 89, शीट मेटल वर्कर के 01 पद ल बढ़ाके 03, सिविंग टेक्रॉलाजी के 06 पद ल बढ़ाके 12, हॉस्पिटल हाउस कीपिंग के 02 पद ल बढ़ाके 04 करे गे हे।
इंफारमेशन एंड कम्युनिकेशन टेक्रॉलाजी सिस्टम मेंटेनेंस के 01 पद, ड्राईवर कम मैकेनिक के 06 पद, ड्राफ्ट्समेन मैकेनिकल के 01 पद, मशीनिष्ट के 04, मशीनिष्ट ग्राइंडर के 01 पद, मेसन (बिल्डिंग कंस्ट्रक्टर) के 01 पद, मैकेनिक रेफ्रिजेरेशन एंड एयर कंडीशनर के 02 पद, सेक्रेटेरियल प्रेक्टिस (अंग्रेजी) के 02 पद, एम्लायबिलिटी स्किल के 03 पद ल यथावत रखे गे हे। अब कुल मिलके ए पद मन के संख्या 920 हो गे हे जेखर मन के भर्ती करे जाना है।
विज्ञापित पद बर आवश्यक अर्हता, शैक्षणिक अनुभव, आयु सीमा, निर्देश, परीक्षा योजना, चयन प्रक्रिया, पाठ्यक्रम अऊ पद मन बर आरक्षण के जम्मो जानकारी http://vyapam.cgstate.gov.in म विस्तृत विज्ञापन के केटेगरी म देखे जा सकत हे। रिक्त पद के संख्या अऊ ट्रेड व विषय म परिवर्तन करे जा सकथे।